Marso 3, 2020 - Pinagsamang Primaryang Eleksyon para sa Pagkapangulo - Lungsod at County ng San Francisco - [FINAL REPORT]

<strong>NAGPAPAHINTULOT NG MGA BONO PARA SA PAGKUKUMPUNI, KONSTRUKSIYON, AT PAGSASAMODERNO NG PASILIDAD SA MGA PAMPUBLIKONG PRESCHOOL, K-12 NA PAARALAN, KOLEHIYO NG KOMUNIDAD, AT UNIBERSIDAD. BATAS NG LEHISLATURA.</strong><br>Nagpapahintulot ng $15 bilyon na mga pangkalahatang obligasyong bono ng estado para sa konstruksiyon at pagsasamoderno ng mga pasilidad ng pampublikong edukasyon. Epekto sa Pananalapi: Tumaas na mga gastos ng estado upang bayaran ang mga bonong tinantiyang nasa mga $740 milyon kada taon (kabilang ang interes) sa loob ng susunod na 35 taon.

PANUKALANG-BATAS UKOL SA CITY COLLEGE PARA SA PAGSASANAY SA TRABAHO, PAGKUKUMPUNI AT KALIGTASAN SA LINDOL. Upang makumpuni/maisaayos ang mga pasilidad ng City College; gumawa ng kinakailangang pagpapahusay para sa seismic retrofit (pagbabago sa mga istruktura para higit na maging ligtas sa lindol)/kaligtasan sa lindol; gawing mas mabuti para sa kapaligiran ang College sa pamamagitan ng mga gusaling matipid sa koryente/mas mataas ang paggamit ng renewable energy; at magkaroon, magpatayo, at magkumpuni ng mga pasilidad, mga lugar/kagamitan upang maihanda ang mga estudyante para sa mataas ang bayad at nasa lokal na trabahong kaugnay ng siyensiya, teknolohiya, at sining, dapat bang aprubahan ang panukalang-batas ng San Francisco Community College District (Pandistritong Kolehiyo ng Komunidad ng San Francisco), na nagbibigay ng awtorisasyon para sa $845,000,000 na mga bond (utang ng gobyerno) sa mga legal na porsiyento, kung saan nagpapataw ng 1.1 sentimo/$100 ng natasang halaga ($47,500,000 taon-taon hanggang sa humigit-kumulang 2053), at itakda rito ang pag-o-audit at pangangasiwa ng mga mamamayan?

BOND NG SAN FRANCISCO PARA SA KALIGTASAN SA LINDOL AT PANG-EMERGENCY NA PAGTUGON, 2020. Upang mapahusay ang pagtugon sa sunog, lindol, at emergency sa pamamagitan ng pagpapahusay, pagpapatayo, at/o pagpapalit ng: mga nasisira nang lalagyan ng tubig, tubo, at lagusan, at mga kaugnay na pasilidad, at nang matiyak na mayroong maaasahan ang mga bumbero na mapagkukunan ng tubig para sa sunog at sakuna; estasyon ng mga bumbero at pulis at nagbibigay ng suportang mga pasilidad na nasa komunidad; ang 911 Call Center ng Lungsod; at iba pang pasilidad para sa pagtugon sa sakuna at kaligtasan ng publiko, at upang makapagbayad ng kaugnay na mga gastusin, dapat bang maglabas ang Lungsod at County ng San Francisco ng $628,500,000 na mga general obligation bond (utang ng estado o ng lokal na gobyerno), na tatagal nang hanggang 30 taon mula sa panahong inilabas ito, may tinatayang karaniwang halaga ng buwis na $0.015/$100 ng natasang halaga ng ari-arian, at inaasahang karaniwan na taunang kita na $40,000,000, at mapapasailalim sa pangangasiwa ng mga mamamayan at regular na pag-o-audit?

Dapat bang amyendahan ng Lungsod ang Tsarter upang makakuha ng retiree health care coverage (pagkakasakop ng pangangalaga sa kalusugan para sa mga retirado) ang ilang empleyado ng Lungsod na dating nagtrabaho para sa San Francisco Housing Authority, batay sa kanilang pinagsama nang mga taon ng serbisyo at petsa ng pagsisimula ng pag-eempleyo?

Dapat bang buwisan ng Lungsod ang mga may-ari o umuupa na pinananatiling bakante ang nasa unang palapag na tindahan o iba pang komersiyal na espasyo sa ilang lugar sa San Francisco, sa halagang nasa pagitan ng $250 at $1000 kada foot (talampakan) na nakaharap sa kalye, simula Enero 1, 2021, at nang walang petsa kung kailan mawawalan ng bisa, at gamitin ang taunang kita, na tinatayang mula sa maliit na halaga hanggang sa $5 milyon, at sa gayon, makatulong sa maliliit na negosyo?

Dapat bang iugnay ng Lungsod ang taunang square footage (kuwadradong talampakan) na inilalaan para sa Malalaking Pang-opisinang Proyekto sa pagtugon ng Lungsod sa mga Tunguhin para sa Abot-kayang Pabahay (Affordable Housing Goals) nito, at palitan ang mga pamantayan para sa pag-aapruba ng ilang pang-opisinang proyekto?