Nobyembre 5, 2019 - Pinagsamang Pangmunisipal na Eleksyon - Lungsod at County ng San Francisco - [FINAL REPORT]

MGA BOND O UTANG NG GOBYERNO NG SAN FRANCISCO PARA SA ABOT-KAYANG PABAHAY. Upang magkaroon ng pera sa konstruksiyon, pagpapaunlad, pagmamay-ari, at preserbasyon ng pabahay na abot-kaya para sa mga kabahayan na lubhang mababa, mababa at panggitna ang kita sa pamamagitan ng mga programang magbibigay ng prayoridad sa bulnerableng mga populasyon tulad ng nagtatrabahong mga pamilya, beterano, matatanda, at indibidwal na may kapansanan ng San Francisco; upang makatulong sa pagmamay-ari, rehabilitasyon, at preserbasyon ng naririyan nang abot-kayang pabahay, at sa gayon, mapigilan ang pagkawala ng tirahan ng mga residente; upang makumpuni at muling maipatayo ang distressed o lumang-luma na, at sira-sira nang mga development sa pampublikong pabahay, at ang pundasyong imprastruktura ng mga ito; upang makatulong sa panggitna ang kita na mga residente o manggagawa ng Lungsod sa pagkakaroon nila ng oportunidad para sa abot-kayang pag-upa o pagmamay-ari ng tahanan, kasama na ang tulong sa downpayment o paunang bayad, at suporta sa bagong konstruksiyon ng abot-kayang pabahay para sa mga empleyado ng San Francisco Unified School District (Pinag-isang Distritong Pampaaralan ng San Francisco) at City College of San Francisco (Kolehiyo ng Lungsod ng San Francisco); at upang mabayaran ang kaugnay na mga gastusin; dapat bang maglabas ng $600,000,000 na bond na general obligation (utang ng estado o lokal na gobyerno) na tatagal nang hanggang sa 30 taon mula sa panahon ng paglalabas nito, may tinatayang karaniwang halaga ng buwis na $0.019/$100 ng natasang halaga ng ari-arian, at may inaasahan na karaniwang taunang kita na $50,000,000, kung saan mapaiilalim ito sa independiyenteng pangangasiwa ng mga mamamayan at regular na pag-o-audit?

Dapat bang amyendahan ng Lungsod ang Tsarter nito upang mabago ang pangalan ng Department of Aging and Adult Services (Departamento ng mga Serbisyo sa Pagtanda at Nasa Sapat na Gulang) tungo sa Department of Disability and Aging Services (Departamento ng mga Serbisyo para sa Kapansanan at sa Pagtanda); upang mabago ang pangalan ng Aging and Adult Services Commission (Komisyon ng mga Serbisyo sa Pagtanda at Nasa Sapat na Gulang) tungo sa Disability and Aging Services Commission (Komisyon ng mga Serbisyo para sa Kapansanan at sa Pagtanda); at upang magdagdag ng mga bagong kuwalipikasyon para sa tatlo sa pitong posisyon sa Komisyong ito?

Dapat bang magpataw ang Lungsod ng 1.5% buwis sa negosyo sa shared rides (tulad halimbawa ng Uber o Lyft) at ng 3.25% buwis sa negosyo sa mga pribadong pagsakay para sa pamasaheng sinisingil ng komersiyal na kompanyang ride-share at kompanya ng mga driverless-vehicle (sasakyang walang nagmamaneho), hanggang sa Nobyembre 5, 2045, na hahantong sa pagkakaroon ng tinatayang $30-35 milyon taon-taon, upang mapondohan ang mga pagpapahusay sa serbisyo ng Muni at kaligtasan ng mga bisikleta at naglalakad?

Dapat bang amyendahan ng Lungsod ang Planning Code (Kodigo sa Pagpaplano) upang mapahintulutan ang 100% Mga Proyekto para sa Abot-Kayang Pabahay at Mga Proyektong Pabahay para sa mga Edukador sa mga public zoning district (sona sa distrito na para sa mga pampublikong pasilidad), at pabilisin ang pag-apruba sa mga proyektong ito?

Dapat bang magtakda ang Lungsod ng mga bagong restriksiyon sa mga kontribusyon sa kampanya ng lokal na inihahalal na opisyal at kandidato, at ipatupad ang bagong mga itinatakda sa disclaimer o pagtatatuwa na nasa adbertisment sa kampanya?